Video
Read full review
2019-04-24
356 views
鍾意食歐陸麵包(即係鬼佬包)嘅人， 可能都試過呢間， 佢都算款式多。今次我就介紹呢款……合桃提子法包。睇落去嗰包唔係好大個， 你可能會覺得19蚊好似貴咗啲， 其實佢幾襟食㗎！個法包啲合桃同提子乾，新鮮兼足料; 合桃如果唔新鮮，就會有陣油膉味，嘥咗個包。法包新鮮嗰陣，外殼脆脆，個心就鬆鬆軟軟， 最啱加件芝士或者西班牙火腿，伴西湯食!好多人覺得如果法包唔即日食哂，到咗第二朝就會變得超硬， 咬都咬唔開！冇有怕！ 我習慣將個法包切薄片，然後放入多士爐，用最低火烘一烘， 跟住搽少少牛油， 用來伴咖啡或者奶茶食，效果有啲似咖啡旁邊嗰件 biscotti 義式脆餅咁！超好食!
今次我就介紹呢款……合桃提子法包。
合桃提子法包
$19
17 views
0 likes
0 comments
睇落去嗰包唔係好大個， 你可能會覺得19蚊好似貴咗啲， 其實佢幾襟食㗎！
個法包啲合桃同提子乾，新鮮兼足料; 合桃如果唔新鮮，就會有陣油膉味，嘥咗個包。
法包新鮮嗰陣，外殼脆脆，個心就鬆鬆軟軟， 最啱加件芝士或者西班牙火腿，伴西湯食!
好多人覺得如果法包唔即日食哂，到咗第二朝就會變得超硬， 咬都咬唔開！
冇有怕！ 我習慣將個法包切薄片，然後放入多士爐，用最低火烘一烘， 跟住搽少少牛油， 用來伴咖啡或者奶茶食，效果有啲似咖啡旁邊嗰件 biscotti 義式脆餅咁！超好食!
Post
