So Bar (Closed)

每次約朋友食飯，我都諗起呢間So bar。第一次去嘅時候有live music，今次閒日雖然無，但都依然欣賞佢嘅環境、食物同飲品 🍸由於樓底高，So Bar即使氣氛熱鬧亦唔會太嘈。Bartenders and waiters 好熟悉佢哋Menu入邊嘅飲品，幾次嚟喺佢地介紹下都飲到頗出色嘅雞尾酒🍹，今次同新朋友嚟，佢都好欣賞。朋友唔飲酒，所以揀左呢杯non-alcoholic 嘅Expresso Tonic（78），裡面有咖啡同熱情果。最初都擔心兩種味道未必會好夾，點知出到嚟效果好好，上枱仲有兩種色調，非常靚♥️呢杯 Oolong Gin Fizz（118），青瓜🥒放得好靚，味道清新，唔會太重gin 味，好配合啲海鮮。泰式海鮮拼盤（188）生蠔非常鮮甜，仲有帶子、青口、墨魚、同埋鮮蝦。跟新鮮檸檬同微辣嘅泰式青醬，新鮮到想encore！😙😋燒雞泡魚乾（68）大大份，唔點個沙律醬都一樣好香好惹味！佐酒一流🥰主菜要左油封鴨腿拼煙燻腸（178）。鴨腿入味而且淋，又係唔點sauce都夠味。煙燻腸好香，而且有芝士喺入面，我同朋友都覺得好好食。不過我最欣賞配菜，調味十足，雖然材料簡單，但廚師都好有心思。