大同韓燒 (Closed)

大同韓燒，真係好值得去既午餐之選。韓燒套餐，$49，要2位以上先開火，免加一。有主食一客，可以選擇豬肉、雞肉、牛肉或或魚，我最鍾意食牛舌，厚切，而且醃得入味，唔洗點醬油都夠晒味啦。同埋唔會鞋口，啖啖肉，正。三小碟前菜，可refill。以上係2人份量既前菜。仍然最like醃薯仔，甜甜地，送飯或者單食都好滋味。一碗白飯，就係普通港式白飯。一碗湯，有蜆肉作為材料，不過略為鹹左d。一杯飲品，去過幾次，都係港式涼茶，但係唔係苦，甜甜地，清熱arm晒。環境乾淨，地下唔會油膩同好滑，企理。燒肉時候會加一張吸油紙，所以d肉唔會痴爐，比較乾淨，讚。老闆同埋員工都好有禮貌，埋單時更會送雪糕或飲品coupon，下次黎食午餐，全檯贈送雪糕或盒裝飲品。餐廳都幾大，不過附近寫字樓太多，有時要等下位。建議過左1:30後黎，唔洗等位。