真味鮮廚 (Closed)

同同事放工想搵個地方吹水食飯，當然又要食得飽質素價錢都要考慮，朋友推介了這裡，佢之前食過，一個價錢可以無限時食到尾，咁就係大家都想嘅原則了😁！兩輪時間，放得早就當然係頭輪，但就大家所以選了尾輪，但記得要先訂位，免得上到去冇位，因為未必等到位😅！座下餐牌只有兩種價錢，肉蟹或龍蝦，今晚大家一致龍蝦，啖啖肉，唔使花時間拆殼，之後先來任食雞煲，雞件啖啖肉，配埋個汁入口夠晒味道，溫馨提示，如果未開始火鍋，個雞煲可以繼續任添在原本個雞煲內，所以不要將雞骨等放到鍋內！大家都咁食得當然要再加！而飲品醬油就係自助，推介竹庶芧根水，清熱解渴，唔係太甜，自覺比較健康！同時間還有刺身拼盤，有三文魚、甜蝦、爽口鮑魚、吞拿魚、鮮甜帶子，新鮮配搭多。雞煲完了跟住就係打邊爐，選擇了湯底，就開始上火鍋配料，跟龍蝦餐當然有開邊龍蝦，龍蝦海鮮盤內有開邊大大隻嘅龍蝦、鮮味彈牙嘅帶子、爽口彈牙嘅蟶子、大大隻嘅青口、大大隻大蝦、鮮龍躉肉，大大件膠質豐富，啖啖肉之餘又十分有口感，整體海鮮又新鮮又甜，原全係一個唔錯嘅打邊爐選擇！除了海鮮外還有安格斯肥牛，切成薄薄一片，一放湯就可入口，牛味夠晒濃，真係令人回味！除此之外還有不同火鍋配料