一品居 (Closed)

去厚福街搵食，見新張開入去試下。有幾款套餐，唔多o岩食又冇得轉其他款式，只好散叫。擔擔麵超難食，湯底叫OK，尚算有點兒麻辣味，而D麵好似食緊舊麵粉團般，我聽到隔離客都投訴好難食。黑醋排骨-D肉好實，又唔鬆化。尤其我早一日食過天與地的黑醋排骨，真是天壤之別。燻魚-又係好難食之作，乾淨淨。蟹粉小籠包-皮又厚，又冇湯汁，蟹粉?當然就食唔出啦!三絲冷麵-冷麵最主要的醬汁，竟然唔夠味，連鹹味都冇，我要另加醋來調味，麵身叫做比擔擔麵好少少，這碟叫做全晚最好。老公又叫了枝枸杞汁，係來貸，不過好難飲。早知去隔離唯一好過，又平過佢又好食過佢。