比利餐廳 (Closed)

一周年勁抵餐同男友去娘家，之後喺西九龍中心入面搵緊餐廳食個晚餐，見到呢個餐廳有一週年勁蛋優惠，餐廳環境好寬闊，二個人都可以坐卡位，唔洗同人迫，正！男朋友鐘意大排檔味道既小菜依家做緊7折，更加岩佢心意。我哋叫咗三個嘢食，瑤池香妃雞，什扒同埋金銀蛋莧菜。瑤池香妃雞瑤池香妃雞係配一碗白飯，雞係凍食既，都幾多肉，唔係好多骨，雞肉又算係嫩滑嗰種，不鞋口，味道係有雞味既，吾係腌料味，加埋佢個蔥油吾錯。什扒我就比較鐘意西餐，所以叫什扒，抵食呀，配埋羅宋湯同野飲。什扒餐有火腿，香腸，雞扒，豬扒同牛扒配上薯菜，雞扒同豬扒好大塊，配埋個黑椒汁，夠晒。加上而家一周年優惠，扒餐半價，所以呢個真抵食之選！金銀蛋莧菜用咗鹹蛋，雞蛋同皮蛋，鹹香夠，咁食莧菜好食d，補充下纖維。咁樣都係$194，抵又勁飽。