阿木台灣麵 (廣華街) (Closed)

經過朋友介紹 話尼間係好食台灣菜 就去朝一朝聖 一試究竟🤓放假食晏時間拎飛 等左差不多一個鐘先入得🥲鋪面位置唔多 枱與枱距離都有點近…今次叫左家傳鹽酥肉便當 🍖🍱麻醬拌麵 🍝同芝士肉鬆蛋餅🧀🥞🌟真好味!!!😍之前食過其他間台灣菜真麻麻 但阿木台灣麵食完不但想再食 仲會介紹朋友tim 雖然排隊都唔係幾好😅家傳鹽酥肉便當🍱既鹽酥肉😚😚啖啖肉 一啲都唔乾 外層酥炸過脆卜卜 調味十足 一啖肉一啖飯 食肉獸表示美味!!!!😋😋 仲有3款小菜送飯Tim 但就不過不失…麻醬拌麵 啖啖花生醬香味 撈暈成碗麵 伴送青瓜切條 QQ既麵條 再大啖放入口 好好味😝本人係辣辣狂迷 阿木台灣麵仲有自家製辣椒醬 唔係唔加啊 好香辣椒香 但覺得可以再辣啲 個人喜好 但加埋一齊食 好正🤤🤤份量都正常👍🏻芝士肉鬆蛋餅 絕對要叫 新鮮整出黎芝士有拉絲效果 好傳統既台灣小食 見到差不多枱枱都有食😂下次再試其他野😊😊