Video
Read full review
2015-02-04
395 views
名牌，代表質量，也代表貴，什至有時只係貴嘅代名詞，質量並不一定與價錢成正比。所以當決定食Godiva軟雪糕嘅時候，係抱住踢館嘅心態，睇下可以點樣去證明︰「車~軟雪糕可以有幾好食﹖就算有幾好食咪又係軟雪糕之嘛。」我真心係咁諗嘅。走入去，問喺咪淨係得一隻味﹖(因為我諗住有分咩牛奶，濃味，特濃之類嘅嘢。)女侍應回答︰「係，得一隻。」咁好啦，俾一杯我。整好之後，女侍應將個軟雪糕放喺個軟雪糕模型隔離---係同個模型一模一樣架！先睇外型，雪糕質地好實在，旁邊嗰塊牌係堅嘅朱古力---唔係平時就咁插張紙就算。雪糕筒邊有D朱古力碎，唔知咩味呢﹖觀察完外型之後，結論係佢個樣係幾靚仔嘅，不過味道先係最緊要丫！好，嚟喇… 食啦！一啖咬落去…好香嘅朱古力味呀呀呀呀呀)))而且係質地好實在嘅軟雪糕，唔係雪到好凍會令D牙軟晒，但又唔會一入口就溶到水咁，有少少咬口得嚟又唔係杰身嘅，仲好柔軟同溫柔。跟住食埋嗰塊應該係黑朱古力，香軟朱古力軟雪糕加上再濃味少少嘅黑朱古力，味道層次變得豐富！再食下去到雪糕筒邊，有脆脆地嘅朱古力同果仁碎，口感層次再次提升！之後就係軟雪糕同雪糕筒嘅配搭，又軟又脆，直到永遠，阿門。諗住踢館，熱烈
$45
29 views
0 likes
0 comments
所以當決定食Godiva軟雪糕嘅時候，係抱住踢館嘅心態，睇下可以點樣去證明︰「車~軟雪糕可以有幾好食﹖就算有幾好食咪又係軟雪糕之嘛。」
我真心係咁諗嘅。
走入去，問喺咪淨係得一隻味﹖(因為我諗住有分咩牛奶，濃味，特濃之類嘅嘢。)
女侍應回答︰「係，得一隻。」
咁好啦，俾一杯我。
整好之後，女侍應將個軟雪糕放喺個軟雪糕模型隔離---係同個模型一模一樣架！
先睇外型，雪糕質地好實在，旁邊嗰塊牌係堅嘅朱古力---唔係平時就咁插張紙就算。
雪糕筒邊有D朱古力碎，唔知咩味呢﹖
觀察完外型之後，結論係佢個樣係幾靚仔嘅，不過味道先係最緊要丫！
好，嚟喇… 食啦！
一啖咬落去…
好香嘅朱古力味呀呀呀呀呀)))
而且係質地好實在嘅軟雪糕，唔係雪到好凍會令D牙軟晒，但又唔會一入口就溶到水咁，有少少咬口得嚟又唔係杰身嘅，仲好柔軟同溫柔。
跟住食埋嗰塊應該係黑朱古力，香軟朱古力軟雪糕加上再濃味少少嘅黑朱古力，味道層次變得豐富！
再食下去到雪糕筒邊，有脆脆地嘅朱古力同果仁碎，口感層次再次提升！
之後就係軟雪糕同雪糕筒嘅配搭，又軟又脆，直到永遠，阿門。
諗住踢館，熱烈地彈熱烈地唱，點知結果佢竟然係---無得彈。
真係要講嘅話，就係個雪糕筒唔算好香同脆，但，咁又如何呢﹖主角係Godiva嘅朱古力，佢每一個味道同層次都係為左突出朱古力嘅味道，所以根本就唔算係失分嘅地方。
$45蚊一杯嘅軟雪糕，幾咁奢侈，但我竟然覺得值…
Post
