不要對我尖叫，日常茶間， (利奧坊) (Closed)

早年我經常出沒於大角咀，除了是上班的地方外，喜歡四處逛舊書檔搜集舊版金庸亦是其中一個主因。當時大同新村同富多來商場是必經之地，偶爾都有斬獲。事隔多年，舊區亦逐漸換上新貌，利得街因是當年無味神探槍戰案的現場，所以聲名大噪，此刻附近多了不少新建的商住大廈。當然有好多過江龍係附近插旗，而「不要對我尖叫，日常茶間」就是其中之一。店子位處大角咀利奧坊地下，非常易搵到，落地玻璃有陽光透入好舒服。今次試了鮮芒果冰茶、鮮蘋果茉莉及鮮蜜桃烏龍三款特色飲品。鮮芒果冰茶用上阿薩姆紅茶底，甜度啱啱好，加上有珍珠，混和了芒果蓉，真係超正。另一款鮮蘋果茉莉，可以話充滿誠意，因為用上了糖漬8小時的蘋果，而茉莉好清香，係炎夏中喝上杯，即時暑氣全消。三款中最喜歡鮮蜜桃烏龍，因為香味非常突出， 有水果蜜桃果肉係底，每口都是果香，完全俘虜了我的心。除了飲品，店方亦有幾款烘焙產品供選擇。洋焗蔬蘇好特別，因為係一個以菠菜為主的包點，外層酥香，內裡軟綿，陣陣菠菜味，不錯。果仁酥酥皮層焗得酥脆，又有淡淡的焦糖味，個人覺得配咖啡比冰茶可能更好。芝士哞哞包看似普通的牛角包，原來內藏芝士，多重濃郁的香味，芝士迷不可錯過。