Video
Read full review
2021-05-20
100 views
呢間餐廳個名好得意@boringcafe_hk閒日都坐滿哂，好彩同朋友book左位!晚市套餐抵食得黎質素都唔錯。🍾🦪白酒煮青口青口肉質軟嫩肥美，以白酒忌廉汁調製令鮮美提升，醬汁亦加入洋蔥絲，食落清甜，層次口感豐富。🍲匈牙利鵝肝意大利飯香煎鵝肝火候控制得唔錯，外層微脆紮實，咬落去油香四溢，入口綿密即溶化，幽微細緻。意大利飯軟稔中帶點煙韌，忌廉汁滲透飯中，十分creamy順滑濃郁。🔥🐷醬燒美國豬肋骨配薯角豬肋骨烤得夠入味，肉質軟腍唔乾柴，切果陣都好容易骨肉分離。燒烤醬甜度恰好惹味。薯角炸到脆卜卜，好香口邪惡。🍍🥥菠蘿椰絲沙冰天氣熱辣辣叫番杯沙冰消下暑。沙冰打得夠細，口感綿滑。菠蘿椰絲酸酸甜甜夠醒胃，味道充滿熱帶風情既感覺。🍓🫐野莓乳酪沙冰成杯粉紅色好少女，充滿果香，乳酪比例同甜度剛好，清爽細膩。
閒日都坐滿哂，好彩同朋友book左位!
晚市套餐抵食得黎質素都唔錯。
🍾🦪白酒煮青口
青口肉質軟嫩肥美，以白酒忌廉汁調製令鮮美提升，醬汁亦加入洋蔥絲，食落清甜，層次口感豐富。
🍲匈牙利鵝肝意大利飯
香煎鵝肝火候控制得唔錯，外層微脆紮實，咬落去油香四溢，入口綿密即溶化，幽微細緻。意大利飯軟稔中帶點煙韌，忌廉汁滲透飯中，十分creamy順滑濃郁。
🔥🐷醬燒美國豬肋骨配薯角
豬肋骨烤得夠入味，肉質軟腍唔乾柴，切果陣都好容易骨肉分離。燒烤醬甜度恰好惹味。薯角炸到脆卜卜，好香口邪惡。
🍍🥥菠蘿椰絲沙冰
天氣熱辣辣叫番杯沙冰消下暑。沙冰打得夠細，口感綿滑。菠蘿椰絲酸酸甜甜夠醒胃，味道充滿熱帶風情既感覺。
🍓🫐野莓乳酪沙冰
成杯粉紅色好少女，充滿果香，乳酪比例同甜度剛好，清爽細膩。
Post
