金子半之助 (利東街)

Open Now

Now Closed

軟殼蟹天丼 $148迷你天丼配冷稻庭烏冬 $118👍 雖然已經入秋，但天氣仍然熱到癲，見到有冷烏冬食，仲一次過食埋天丼，簡直係為我呢啲選擇困難症嘅人而設！👍 唔好以為迷你就乜都無，基本上 regular size 天丼有嘅野 9成佢都有齊，隻蝦依樣大大隻勁新鮮超爽彈。其次炸菇都好好味，唔會出水出到啲炸漿淋哂。👍 見到佢啲天婦羅偏深色其實有啲淆，但聽講係用古麻油炸所以咁嘅色，食落都唔會成口油益味。食天婦羅丼，唔似配湯麵咁，最怕勁dry，但呢度唔會，加左少量醬汁，有啲濕潤且加添少少味道平衡返，好味！👍 過期間限定軟殼蟹，勁大舊，勁多肉。👍 唔好以為呢度做天丼，啲烏冬就好流，但係其實個稻庭烏冬超級好食，軟硬適個沾汁又好味，唔太咸唔太甜，剛剛好，推介！👍 連杯茶都勁有heart，係用咗黑豆茶，啱曬我呢一啲腎虧嘅小朋友🤪👍 灣仔區嚟講，價錢都算相宜，所以我應該會再來翻兜👎 呢度啲位唔多，枱都比較細。如果遲咗嚟(12:30後)，可能要排下隊啦。