肉餅哥小炒料理 (Closed)

上次去荃灣吃肉餅哥，已經好想試試龍蝦肉饼飯店，可惜已經賣晒，緣慳一面，當見到Openrice 的食評，原來肉餅哥衝出荃灣，進駐大圍，自然要試一試，一償心願。我好多時去沙田做野，在土瓜灣坐巴士都係20分鐘，就到達美林邨，仲快過去荃灣。今晚來到由於六點半，客人不算好多，可能係平日，這裡比荃灣地方大好多，坐位都多好多。我梗係點了我最想試的龍蝦肉餅飯，個飯放在枱上時好吸睛呀，不過拿開肉餅時，發現個龍蝦殼係空，我諗唔通中伏，後來咬肉餅時，才發現龍蝦肉在肉餅中，又幾特別喎。老婆點了金沙蛋黃肉餅，煎過的肉餅已經好香，加埋蛋黃的香味仲正，唔怪得之呢個係其中一個最多人叫嘅肉餅。另外跟餐，罐裝飲品可以加$5，果汁加$12。