真鮨 (Closed)

成日行尖沙咀經過睇啲裝修都以為係類似cafe，上網睇食評先知原來係食日本野評價重要唔錯😎👍🏻今日就嚟拜一拜會😆店面唔算大，不過員工夠多而且個個都好友善 🤤仲主動推介嘢食比我。🍽北海道長錫生蠔：北海道生蠔一向有保證，色澤飽滿而且好肥美多汁😋醬汁配合亦恰到好處酸酸地好開胃，一個字＂正＂👍🏻😎🍽築地刺身羽太魚：店員亦告知我哋鋪頭定期會有新鮮築地刺身，我哋就揀咗今朝先新鮮到香港＂築地刺身羽太魚＂爽口有彈性，口感極佳，配合少少日本醬汁畫龍點睛，真係鮮甜過係日本食🤤再一次多謝佢哋推介😆🍽海膽赤身呑拿魚背：而壽司方面呢個組合我都係第一次食，估唔到又出奇咁夾，海膽嘅鮮甜味令到吞拿魚嘅鮮味更加提升，互相都搶唔到大家嘅風頭👍🏻🍽金目雕：醬燒過嘅金木雕同上面嘅蔥花完美配合，香口嫩滑，小小美中不足係我覺得魚肉嘅溫度凍左少少😝🍽明太子玉子燒：去日本餐廳必點嘅菜式，食材所限唔算係驚喜之作，不過值得一讚係明太子唔會太咸，玉子嫩滑煎得啱啱好，仲有少少蛋汁🍳🍽白桃梳打同荔枝梳打：好飲又唔會太甜！大家絕對可以放心一啲都唔伏🍹