Video
Read full review
2009-12-08
37 views
細路仔o個陣,睇無記的"娛樂金魚眼"時,片中一眾主角係學校小息/食飯時間,一定會瘋狂飛奔去小食部排隊搶購"炒麵三文治包".係d瘋狂ga劇情底下,一個"炒麵三文治包"可以好輕鬆咁收買一個人ga人格!(笑)真係咁好味!?呢個問題我一直得唔到答案!所以,留意到係香港都有專門賣呢種炒麵麵包ga專門店後,忍不住要試一試!星期日,元朗亦都係人頭湧湧!連同兩位午餐未有著落ga朋友一齊係人山人海ga千色廣場附近四處搜索.結果行左一個大圈先見到目標店.店面都幾細,去到ga時候無咩人,有幾個露天坐位,及佔據商場半個出口ga摺凳位.三人商議後都係決定堂食坐下,三個人就三種包,決定之後三個輪住排隊落單坐低一邊睇住有吳宗憲大哥ga台灣介紹炒麵麵包ga游戲節目一邊留意隨後ga顧客兼等食.不知是否新店ga關係?包款ga選擇不多!只有六款而己!我地分別點了:夏威夷雞肉,黑椒豬肉,奶油培根每一款包都是一律$16........除了夏威夷雞肉外都加了$4的起司.跟包叫飲品的話$7,都係台式飲品,但係同d包ga款一樣選擇唔多......結果兩杯珍珠奶茶,一杯水蜜桃綠茶.飲品到手後,再等了五分鐘左右,開始有得食了.先來ga係
真係咁好味!?呢個問題我一直得唔到答案!
所以,留意到係香港都有專門賣呢種炒麵麵包ga專門店後,忍不住要試一試!
星期日,元朗亦都係人頭湧湧!連同兩位午餐未有著落ga朋友一齊係人山人海ga千色廣場附近四處搜索.結果行左一個大圈先見到目標店.
店面都幾細,去到ga時候無咩人,有幾個露天坐位,及佔據商場半個出口ga摺凳位.
三人商議後都係決定堂食坐下,三個人就三種包,決定之後三個輪住排隊落單坐低一邊睇住有吳宗憲大哥ga台灣介紹炒麵麵包ga游戲節目一邊留意隨後ga顧客兼等食.
不知是否新店ga關係?包款ga選擇不多!只有六款而己!我地分別點了:夏威夷雞肉,黑椒豬肉,奶油培根每一款包都是一律$16........除了夏威夷雞肉外都加了$4的起司.跟包叫飲品的話$7,都係台式飲品,但係同d包ga款一樣選擇唔多......結果兩杯珍珠奶茶,一杯水蜜桃綠茶.
飲品到手後,再等了五分鐘左右,開始有得食了.
先來ga係夏威夷雞肉,黎唔切影相己經被朋友一口咬下去了!(唔係太香或佢太肚餓,只係佢個人係咁,咩都快!)結果只可以影到加左起司ga油奶吐司及黑椒豬肉.
跟據之前ga食評,好多都對該店ga服務給予正面ga評價,可能都係外賣ga關係.......我亦都留意到櫃檯對外賣客會好落力,至少會問需唔需要膠手套.但係於收銀機隔離ga食客不但唔會咁細心,而且數次問及有否垃圾桶亦都無反應(當時係無客人在場要招呼ga).實在難明,正面d睇係,佢地主打外賣市場.......
講返個主角,炒麵麵包.在廚房做好之後會先送出去水吧後邊度加沙律醬及芝士粉,包裝等等ga加工.外表上個麵包同一般ga"硬豬"無咩分別.size來講個人覺得可能真係細左小小.(唔知係咪卡通片ga印象,總係覺得應該個包要長小小.)到手之時,只是微熱,可能要用時間影相放涼左.而加左$ga包上有溶芝士,芝士粉.雖然話個包係連同芝士焗過,但香味比預期ga細.食一啖試下,d芝士味比較淡口.我o個個味係奶油培根,d奶油味反而重過芝士味,什至面層ga芝士粉都要比包入面溶左ga芝士香!如果想芝士味重d ga朋友可能選擇加$3原塊芝士會比較好d,再黎ga就係主要餡料之一ga炒麵!
炒麵加麵包一齊食ga感覺其實都真係有小小怪,一來個包好脆身,但係一咬到d麵度就會好似咬唔到野咁.......可能食開一慣肉類,菜類ga餡料所以有d唔係太適應.但係第二個問題係個味道,個飽本身係無咩味,但係做餡料ga炒麵亦都係好淡口,一來炒得唔夠香,二來個燒汁亦都唔夠濃.反而比芝士同奶油搶左味,結果我個人覺得好似無左d麵會重好味d......如果改一改個麵ga質素會好d.不過不得不讚,成個包又奶油又芝士,仲有煙肉,呢幾樣咁膩ga食材放埋一齊,都做得幾夾!!
至於飲品方面,比較起市面上林林總總的台式飲品專賣店確實係遜色.朋友ga珍珠奶茶質素平平無奇,至於我的綠茶除了甜度控制得幾好之外,也覺得好平凡!
總括:一嚐了炒麵麵包算係了卻心願了~同埋,個炒麵改進一下,會吸引我多d!但係都會搵機會試下其他口味ga!
Post
