Video
Read full review
2021-11-28
20 views
朋友聚會於尖沙咀，一嚐棉登徑日式串燒新店「橋本·串燒」，人流明顯繁多，上菜速度唔慢，食後總結味道唔差，款式多性價比又幾高，呢餐叫到成張枱滿哂，雞、牛、豚、野菜都有都只係 $500 左右就可以埋單！但座位同座位之間空間較少，不過可能更拉近到人既交流，識埋隔離枱🤷♂️.➽ 雞串燒系列 - 有雞軟骨、雞腿肉、雞翼、雞腎、仲有雞尾 (你懂的)，夠哂香口，燒得啱啱好無「嚡」嘅感覺。特別係雞腿肉有加上明太子醬，增添咸香感，如果加杯 Sake 更正！➽ 豚串燒系列 - 以梅醬燒嘅五花腩份量嚟講係出色，因為大大件有咬口肉感唔錯。不得不提豚肉煙肉荔枝卷，配搭幾新穎，甜味突出，鍾意試新野可以點。豚肉露荀卷都好食，有層次感無 overcook。➽ 牛串燒系列 - 牛小排仲食到肉汁，而燒厚牛舌就唔係個人喜好，但份量都大份。➽ 野菜系列 - 田樂豆腐、燒到乾身加特製醬汁，面層卜卜脆；牛油栗米夠哂甜；原來飯糰燒出嚟口感幾特別，揀咗明太子口味，要襯熱食如果唔係會變硬。加多個慢煮雞胸溫泉蛋沙律，個蛋流心到變成沙律醬😉 傾下計時，追加個黑松露薯條，即炸夠哂脆，呢餐好飽😂！
.
➽ 雞串燒系列 - 有雞軟骨、雞腿肉、雞翼、雞腎、仲有雞尾 (你懂的)，夠哂香口，燒得啱啱好無「嚡」嘅感覺。特別係雞腿肉有加上明太子醬，增添咸香感，如果加杯 Sake 更正！
➽ 豚串燒系列 - 以梅醬燒嘅五花腩份量嚟講係出色，因為大大件有咬口肉感唔錯。不得不提豚肉煙肉荔枝卷，配搭幾新穎，甜味突出，鍾意試新野可以點。豚肉露荀卷都好食，有層次感無 overcook。
➽ 牛串燒系列 - 牛小排仲食到肉汁，而燒厚牛舌就唔係個人喜好，但份量都大份。
➽ 野菜系列 - 田樂豆腐、燒到乾身加特製醬汁，面層卜卜脆；牛油栗米夠哂甜；原來飯糰燒出嚟口感幾特別，揀咗明太子口味，要襯熱食如果唔係會變硬。
加多個慢煮雞胸溫泉蛋沙律，個蛋流心到變成沙律醬😉
傾下計時，追加個黑松露薯條，即炸夠哂脆，呢餐好飽😂！
Post
