甲天下正宗桂林米粉 (Moved) New Location

M佬：你有無食過螺螄粉？A姐：梗係有啦！M佬：我係話呢個螺螄粉，唔係螺絲粉喎。A姐：咩粉嚟㗎？螺螄粉係廣西柳州市的傳統小吃米粉，湯底係由螺獅肉、辣椒、八角、丁香等香料炮制而成。今日就等我帶你去旺角塘尾道甲天下正宗桂林米粉見識一下。A姐之選：柳州螺螄粉就咁望落去，同平時嘅米線無咩分別。不過一飲啖湯，真係好鮮味，果然係用咗二十斤石螺煲6個鐘而成嘅湯底，真材實料！配料仲有螺螄肉、肉末、酸豆角、花生、葱粒、酸辣荀、黑木耳同炸腐竹，真係好足料呀。螺獅肉食落已經無乜味 (啲味去晒嗰湯到)，肉末醃得非常入味，脆腐竹同花生好有口感，加埋桂林米線爽口滑身，真係無得彈。M佬之選：五穀漁粉鍾意魚湯嘅朋友一定要叫呢個，包你一試愛上。湯底奶白色，超有魚嘅鮮甜味，加埋滑豆腐、鯇魚片、酸菜、蔥花、芫荽同脆黃豆，真係好豐富呀。另外，大家見到唔同顏色嘅麵條就係五穀粉，有玉米、蕎麥、高梁、大米同紫薯，入口煙韌彈牙，絕對係健康之選!鍋燒肉鍋燒肉外脆內軟，醃得非常入味。鮮花甲花甲新鮮無沙，加埋豉油，鮮味出晒嚟。野山椒鳳爪辣味十足，真係好滋味。椒鹽炒土豆土豆切到細細粒，略炸後再椒鹽炒，非常惹味。麻辣豬爽肚麻辣開胃，爽口彈牙。