Lagom Kaffe (Closed)

星期六同男朋友黎到觀塘食晚飯。Lagom Kaffe地方好大，有好多座位，坐得幾舒服。呢到用QR code落單，好環保。我地揀左兩個主食同一個甜品。首先送上餐包，外脆內軟，好食。菇菇燻鮭明太子奶油章魚燉飯賣相吸引，味道都好好。燉飯有三文魚粒、菇菇、蘆筍，口感豐富又creamy。八八魚唔會好韌，有咬口，仲有隻溫泉蛋撈飯食添。台灣風味牛肉千層麵(辛)呢個同平時食開既千層麵有啲唔同，我覺得有啲似食緊紅油炒手，因為有辣油味，幾特別。牛角包窩夫配Movenpick焦糖雪糕最近開始hit呢樣食物，所以一路都好想試下。呢間餐廳有供應，絕對要叫黎食。牛角包壓成窩夫靚仔左好多，口感變得脆身，好似變左一款新食品，有新鮮感，仲有球好味幼滑既雪糕，正。