Video
Read full review
2018-01-02
9854 views
我諗唔少人聽過銅鑼灣有間舖賣炸豬扒包好出名，原來佢附近都有間賣豬扒成名嘅小店~我諗唔少人嘅童年都係以豬肉為主食，媽媽貪佢平過牛肉，細路貪啲免治豬肉食得簡單，再大個少少嘅間唔中喺屋企食到豬扒都會好開心。炊豕店嘅「豕」指嘅就係豬肉，喺店入面當眼位嘅一句「我們都是食豬大的」相信係唔少港人嘅心聲。舖頭嘅裝修好有心思，集齊咗唔少70s-80s嘅物品，就好似返到去阿爸阿媽嘅童年咁。當中仲識行識走嘅錶行大鐘同取自船隻嘅大燈就最吸引到我。我從來冇食過避風塘炒蟹，多得某即食撈麵，我先知避風塘係炸蒜，更加被佢深深吸引住。見到餐紙上有避風塘豬扒，點能夠唔心動?炸豬扒份量多得完全覆蓋住幼麵，加埋炸蒜，望落就好似一座黃金色(=卡路里)嘅山咁!豬扒炸粉好薄，食落啱啱好有少少脆口，但又唔會食到麵粉味。豬扒冇乜脂肪，但食落鬆軟。輕易咬開，唔會食到成口肉絲。麵類本身都會撈炸蒜。採用嘅幼麵比唔少雲吞麵店優勝，比較彈牙，好上汁，但又未去到鴨蛋麵嗰種質素。少飯可以減一蚊。豬皮黏韌入味，食到話梅同冰糖嘅甜味，花雕酒香就淡咗啲。成嚿豬腳都好稔，不過就未夠漿口，炆耐啲會更加好。滷蛋外層滷成深啡。雖然唔係溏心滷蛋，但蛋白滷成全啡，蛋
我諗唔少人嘅童年都係以豬肉為主食，媽媽貪佢平過牛肉，細路貪啲免治豬肉食得簡單，再大個少少嘅間唔中喺屋企食到豬扒都會好開心。炊豕店嘅「豕」指嘅就係豬肉，喺店入面當眼位嘅一句「我們都是食豬大的」相信係唔少港人嘅心聲。
舖頭嘅裝修好有心思，集齊咗唔少70s-80s嘅物品，就好似返到去阿爸阿媽嘅童年咁。當中仲識行識走嘅錶行大鐘同取自船隻嘅大燈就最吸引到我。
避風塘豬扒幼麵(期間限定)
$58
236 views
0 likes
0 comments
我從來冇食過避風塘炒蟹，多得某即食撈麵，我先知避風塘係炸蒜，更加被佢深深吸引住。見到餐紙上有避風塘豬扒，點能夠唔心動?
炸豬扒份量多得完全覆蓋住幼麵，加埋炸蒜，望落就好似一座黃金色(=卡路里)嘅山咁!
豬扒炸粉好薄，食落啱啱好有少少脆口，但又唔會食到麵粉味。
豬扒冇乜脂肪，但食落鬆軟。
輕易咬開，唔會食到成口肉絲。
麵類本身都會撈炸蒜。採用嘅幼麵比唔少雲吞麵店優勝，比較彈牙，好上汁，但又未去到鴨蛋麵嗰種質素。
話梅花雕豬手飯(少飯)
$50
122 views
0 likes
0 comments
少飯可以減一蚊。
豬皮黏韌入味，食到話梅同冰糖嘅甜味，花雕酒香就淡咗啲。成嚿豬腳都好稔，不過就未夠漿口，炆耐啲會更加好。
滷蛋外層滷成深啡。
雖然唔係溏心滷蛋，但蛋白滷成全啡，蛋黃亦入味，除咗滷得比較實之外，成隻蛋係好味嘅。
仲好貼心咁比埋骨碟裝豬腳骨。
椒鹽魷魚鬚
$38
25 views
0 likes
0 comments
椒鹽魷魚鬚幾時都係咁吸引~
炸得酥脆唔油膩，魷魚比較幼身，所以整條都好入味，但相對就冇咁有咬口喇。
飲落有點淡，但飲到底發現有好多柚子皮，而且幾甜吓。咖啡管實在太幼攪唔起啲柚子，又潷唔起啲皮。其實杯飲品係足料嘅~
銅鑼灣嚟講價格幾相宜，而且幾有特色。不過真係要有排隊嘅心理準備。我哋六點幾去剛好淨返兩個位，坐到6點半已經現人龍。
Other Info. :
每人至少消費$40, 一人一張餐紙
(The above review is the personal opinion of a user which does not represent OpenRice's point of view.)
Post
