驚安燒肉商店

Open Now

Now Closed

媽咪生日，一家人去咗驚安燒肉商店食和牛燒肉！雖然只係11月，但餐廳已經掛上聖誕佈置，好有氣氛！一圈入魂店員大力推介呢款和牛拼盤，一次過食到10種唔同嘅部位，包括：牛舌芯、一口和牛、和牛友三角、和牛沙巴當、牛五花、封門柳、牛頸脊、和牛三角腩、極黑和牛、壺漬牛肋肉。每款都係四人份！和牛非常新鮮，雪花紋理漂亮，油花比例均勻，特別係和牛友三角，入口即化，正！牛舌芯厚切，口感爽彈！柚子漬雞肉山另外加點咗雞肉，其實除咗牛之外，雞肉都好高質，肉質結實有彈性，淡淡柚子溝香襯托岀肉味。食燒肉，絕對要加點飯！呢度有兩款飯選擇：紫菜牛肉汁飯及蔥香月見飯。個人鍾意紫菜牛肉汁飯多d，雖然後者蔥香濃郩，但食得太多肉時，都係紫菜飯有解膩作用。和牛壽喜燒和牛肉味濃郁，油脂密布，店員用火槍火炙後，更加逼出油香。蘸上香氣撲鼻嘅黑松露蛋黃，恰平衡膩感。估唔到呢度嘅飲品都好有驚喜，我好穩陣咁點佐梅酒，但妹妹點嘅手打香水檸檬益力多梳打好好飲！檸檬香味突岀，酸甜平衡得恰到好處，清香又清爽！Daddy嘅水果茶都果香洋溢，同樣推薦！PS. 午市及宵夜時段全單有59折優惠!!! 勁抵！