蟹道 野田 (Closed)

期待已久的一次食行，身邊朋友去過嘅都力讚，話鐘意食蟹一定要去，咁啱又結婚周年慶，便打電話預約，去到店舖，地方不大，有兩大檯（四人）及兩細枱（二人），上方有隻巨型的金蟹，十分有氣勢，坐下來一會便拿出當天新鮮空運到港的北海道食材給我們觀看及講解，因為預約訂枱時已經訂了廚師發板，便期待廚師制作什麼菜式給我們吧。第一款是真鯛魚獎手搞麵及綠茶鱸魚手搞麵配犒蝦，很清新開胃的味道，柚子醋配合得非常好，連粒冬菇都非常之味😋第二款是牡丹蝦刺身配熟長腳蟹，蝦頭羔汁做底，上面是牡丹蝦籽，牡丹蝦非常彈牙及鮮甜，配合蝦羔汁及蝦籽，雙重美味口感😁第三款是紀州備長炭燒長腳蟹，呢個唔駛講，啖啖超滿足蟹肉😋第四款是紫蘇葉香魚春卷配炸赤蟹，香魚本身都好鍾意食，赤蟹仔未試過又幾得意成隻咁食，重會拎個魚缸仔出嚟比你睇吓生猛爬爬下嘅赤蟹，好得意😆第五款是鹽燒鮑魚，上面是北海道毛蟹羔汁，我未食過咁軟滑嘅飽魚，連我箍緊牙嘅老婆都話好易咬好淋又爽滑，不錯👍🏼第六款是拆肉北海道毛蟹配唔記得咩名嘅海藻，我自己比較喜歡毛蟹一疏疏爽少少質感及甜的味道，快速清碟😋第七款是主角北海道海膽拌長腳蟹肉及毛蟹肉三文魚籽飯，份量比想像大，而蟹肉更比飯多