金運海鮮酒家 (Closed)

一行十二人到青衣食晚飯，坐底之後叫叫吓竟然叫左十一個餸，一條麻鼠班魚、一隻炸雞、三隻乳鴿、焗桶蠔丶菠蘿咕嚕肉丶吉列豬扒丶臘味炒芥蘭丶金銀蛋炒菜苗丶椒鹽豆腐魷魚丶海味雜菜煲丶枝竹魚腩㷛，點知上菜前侍應先奉上免費嘅青紅蘿白湯，即係全部加埋總共十二道菜，我哋居然可以全部食晒，因為味道真的唔差，全部熱辣辣上枱，個個食到超飽嘅時候，侍應行埋嚟，唔係問我哋埋單未，而係問我哋要乜糖水，有芒果布丁丶紅豆沙同埋芝麻糊，都係完全免費嘅，食完埋單係$1607(平均每人$134)，原來茶芥全免兼冇加一，相信我哋好快會再光臨大吃一餐。