甜姨姨私房甜品 (清風街)

Open Now

Now Closed

年三十晚同朋友行完維園年宵，難得經過天后，當然要食埋甜品先走！天后出名多甜品鋪，左揀右揀最後都係決定食番食開既甜姨姨，諗住年三十一定好多人有排，點知等左大經約十分鐘就有位，原來甜姨姨已經開埋上一層！真係節省左好多等位既時間！我一坐低就例牌叫左個芒果大合奏，而兩個朋友就分別嗌左個芒果水晶宮同芒果紫糯米，大約五分鐘到，d甜品都陸續上晒。話明大合奏，當然係有好多料，其中配搭埋芒果乾真係非常有新鮮感！眼見友人既芒果水晶宮同自己果個好相似，所以就試食左幾啖，睇下有咩唔同，水晶宮入面有好多水晶麵，好q好彈牙，感覺就好似食緊芒果麵咁，兩道甜品既芒果都好新鮮，唔會好酸，真係好味！另外，值得一提既係甜姨姨係有賣小食，其中介辣豬扒包同綠茶醬厚切多士最得我歡心，雖然係甜品鋪，但佢既豬扒包拍得住茶記，豬扒唔痴牙！而綠茶醬厚切多士係身為綠茶愛好者唔可以唔試既美食，雖然賣相無咩特別，勝在味道搭夠，濃濃既綠茶醬鋪係熱騰騰既多士上面，淨係聞到都覺得好味！一咬落去外脆內軟，成口都充滿綠茶味！可惜當日晚餐食太飽同佢地無緣  講完食物，當然要講下服務質素。當日都算多人，枱與枱之間都幾狹窄，但每次有人出入店員都會提醒客人小心