Video
Read full review
2010-08-10
78 views
之前試過又一城分店的甜品自助餐都相當ok, d食物不停出, 又會轉款,所以朋友仔話想食甜品自助餐, 都有推介呢間, 不過由於朋友仔係"香港仔"故就去世貿呢間啦.星期五晚一行三人就訂咗頭輪18:30-20:15的時段, 朋友仔收工收得早, 所以一早就到咗, 但係就一直等...等..等..直至18:50至獲安排就座, 最離奇係, 到我19:00到場時, 都仲未可以攞嘢食喎不過唔緊要, 都夠時間食嘅, 終於19:10就可以拎嘢食嘞, 一開始, 有一碟煙三文魚, 三款三文治類的小食同2杯芝士條, 多糕方面就有:迷你果撻, 朱古力泡芙, 香蕉朱古力蛋糕, 芒果蛋糕2款, 一個有麥片嘅酒味蛋糕, 一盤堤拉米蘇, 一盤果仁奶凍, 啫喱糖&生果, 仲有2盆曲奇同埋一d芝士酥咁啦.一開閘, 大家都搶攻煙三文魚, 成廿幾三十人, 咁梗係唔夠分啦, 一直都等佢拎碟新嘅出嚟, 不過結果都要45分鐘之後至再有第2碟出喎, 唔駛講, 一出咪又冇晒囉.至於蛋糕, 除咗朱古力蛋糕有加過幾件之外, 其他蛋糕都係冇加過又冇換過ga, 出面嘅"碟數"係越來越少, 採取自然流失態度囉, 大家食甜品自助餐都係想試多幾款啫, 結
星期五晚一行三人就訂咗頭輪18:30-20:15的時段, 朋友仔收工收得早, 所以一早就到咗, 但係就一直等...等..等..直至18:50至獲安排就座, 最離奇係, 到我19:00到場時, 都仲未可以攞嘢食喎
不過唔緊要, 都夠時間食嘅, 終於19:10就可以拎嘢食嘞, 一開始, 有一碟煙三文魚, 三款三文治類的小食同2杯芝士條, 多糕方面就有:迷你果撻, 朱古力泡芙, 香蕉朱古力蛋糕, 芒果蛋糕2款, 一個有麥片嘅酒味蛋糕, 一盤堤拉米蘇, 一盤果仁奶凍, 啫喱糖&生果, 仲有2盆曲奇同埋一d芝士酥咁啦.
一開閘, 大家都搶攻煙三文魚, 成廿幾三十人, 咁梗係唔夠分啦, 一直都等佢拎碟新嘅出嚟, 不過結果都要45分鐘之後至再有第2碟出喎, 唔駛講, 一出咪又冇晒囉.
至於蛋糕, 除咗朱古力蛋糕有加過幾件之外, 其他蛋糕都係冇加過又冇換過ga, 出面嘅"碟數"係越來越少, 採取自然流失態度囉, 大家食甜品自助餐都係想試多幾款啫, 結果朋友仔好失望呀...
當侍應take餐茶嘅時候, 我哋問佢會唔會再有食物出, 佢立即行開, 好似去問人咁囉, 不過佢一路都冇覆番喎, 最攪笑係臨尾每人派幾條茄汁炒長通粉囉, 咁即係點呀?
總括嚟講呢度d蛋糕同甜品都唔係話好好味嗰隻, 仲要係一個1小時45分鐘嘅自助餐俾人扣咗45分鐘, 雖然, 得咁少款都唔駛有咁多時間, 但係絕對唔值$188一位囉
Post