Video
Read full review
2009-02-28
39 views
行過見佢今日唔多人排隊，就去試吓啦﹗點知就出事……由我開始排隊至買完走人，足足用左15分鐘，仲要我當時係排緊第3個人﹗排緊隊個陣，我都已經想走，但又好似唔抵咁（都係自己衰）一路排隊，我就睇到點解d服務會咁慢：1. 女工就多喇，但做嘢慢吞吞……我係排第3，但輪到我收錢個陣已經係第8分鐘嘅事；2. 唔明點解每一份食物都要逐份灑粉，點解唔一齊灑，又或者係一炸完就灑定先？我之前個位就係咁喇，買左好多份食物，阿小姐就逐份執，逐份灑，逐份入袋；如果佢手勢係快10倍會好好多lor3. 唔明點解d女工又要帶手套，又要用kim黎夾雞？咁係咪會真係衞生d呢？我只睇到就係好唔方便﹗講返d食物，我買了一份bb雞，即7舊冇骨炸雞；同一份細雞味薯條……bb雞，未食都已經知道係十分非常很熱氣，佢仲灑左d小辣粉（其實又唔知係乜香料？）；我一路輕鐵返屋企，車廂d人就um住個鼻；都唔好話人，我自己都頂唔順，打左幾個乞痴﹗係度都要同d同車嘅叔伯師奶講聲唔好意思。返到屋企食嘅時候……就肯定唔會再幫襯﹗d雞嘅炸粉十分多，加上一d肉汁都冇，係冇誠意兼搵笨之作﹗所以我明點解佢要灑咁多香料係上面，原來係帶起d味；亦只有香料味，
由我開始排隊至買完走人，足足用左15分鐘，仲要我當時係排緊第3個人﹗排緊隊個陣，我都已經想走，但又好似唔抵咁（都係自己衰）
一路排隊，我就睇到點解d服務會咁慢：
1. 女工就多喇，但做嘢慢吞吞……我係排第3，但輪到我收錢個陣已經係第8分鐘嘅事；
2. 唔明點解每一份食物都要逐份灑粉，點解唔一齊灑，又或者係一炸完就灑定先？我之前個位就係咁喇，買左好多份食物，阿小姐就逐份執，逐份灑，逐份入袋；如果佢手勢係快10倍會好好多lor
3. 唔明點解d女工又要帶手套，又要用kim黎夾雞？咁係咪會真係衞生d呢？我只睇到就係好唔方便﹗
講返d食物，我買了一份bb雞，即7舊冇骨炸雞；同一份細雞味薯條……
bb雞，未食都已經知道係十分非常很熱氣，佢仲灑左d小辣粉（其實又唔知係乜香料？）；我一路輕鐵返屋企，車廂d人就um住個鼻；都唔好話人，我自己都頂唔順，打左幾個乞痴﹗係度都要同d同車嘅叔伯師奶講聲唔好意思。返到屋企食嘅時候……就肯定唔會再幫襯﹗d雞嘅炸粉十分多，加上一d肉汁都冇，係冇誠意兼搵笨之作﹗所以我明點解佢要灑咁多香料係上面，原來係帶起d味；亦只有香料味，唔係雞味﹗
到個薯條，號稱全球首創雞味薯條……唔識欣賞，雞味就食唔到，香料味就食到咳……
食完之後記得飲勁涼茶。記得買嘢個陣，阿姐話有積分咭，我頭也不回就冇要到，睇黎，我呢個動作係絕對明智﹗
Post
