Video
Read full review
2018-08-16
221 views
同學住附近，去完佢屋企玩就出去觀塘覓食，另一位同學就介紹去呢間，仲話佢媽咪同同事係勁推介，差唔多每個星期都幫襯，原本覺得好誇張，但幫襯完就覺得：無可能唔再encore!!因為係平日去，所以都有幾多空位，但聽同學講，佢lunch或者weekends都會好full，所以最好book位先！佢地係有set dinner提供，包前菜、湯、主菜、飲品、甜品，其實係非常吸引，但因為我地幾個女仔都唔肚餓，怕太飽，所以就散叫幾樣野，下次一定再試set dinner!!薯條配黑松露醬、蜜糖芥末汁及茄汁薯條食落十分香脆，唔會有擺太耐好淋嘅口感，雖然係普通香口野，但其實一食都會知道究竟係頹貨定有心。佢配搭嘅三個醬汁都好match薯條，個人比較鍾意黑松露醬經典凱撒沙律配煙三文魚第一感覺係好大份足料！醬料份量落得啱啱好，呢份只係盛惠港幣50蚊，勁抵食！芝士蟹肉焗釀蘑菇一定要點！食落口真係啖啖蟹肉，落足料！配埋蘑菇好match!美國牛柳配黑松露野菌千層酥，炒田園雜菜，紅酒汁首先試咗個千層酥，中間夾住一啲類似蘑菇醬汁，味道似係西式蘑菇湯嘅味，千層酥好脆！牛柳order咗五成熟，切嘅時候都無話有血流咁，對我而言啱啱好，
因為係平日去，所以都有幾多空位，但聽同學講，佢lunch或者weekends都會好full，所以最好book位先！佢地係有set dinner提供，包前菜、湯、主菜、飲品、甜品，其實係非常吸引，但因為我地幾個女仔都唔肚餓，怕太飽，所以就散叫幾樣野，下次一定再試set dinner!!
薯條配黑松露醬、蜜糖芥末汁及茄汁
薯條食落十分香脆，唔會有擺太耐好淋嘅口感，雖然係普通香口野，但其實一食都會知道究竟係頹貨定有心。佢配搭嘅三個醬汁都好match薯條，個人比較鍾意黑松露醬
經典凱撒沙律配煙三文魚
第一感覺係好大份足料！醬料份量落得啱啱好，呢份只係盛惠港幣50蚊，勁抵食！
芝士蟹肉焗釀蘑菇
一定要點！食落口真係啖啖蟹肉，落足料！配埋蘑菇好match!
美國牛柳配黑松露野菌千層酥，炒田園雜菜，紅酒汁
首先試咗個千層酥，中間夾住一啲類似蘑菇醬汁，味道似係西式蘑菇湯嘅味，千層酥好脆！牛柳order咗五成熟，切嘅時候都無話有血流咁，對我而言啱啱好，而且唔會過熟！個醬汁好特別，之前無點試過嘅味道，但佢唔係一啲味道好濃烈嘅醬，都唔錯！
香煎大虎蝦配龍蝦汁意大利粉
唔係蕃茄汁味咖！食落唔知點解覺得有少少辣，但都係好好味
Tirmisu
甜品時間！唔太甜，甜度啱啱好！
雜苺法式班戟配雪糕
個班戟係脆嘅，同我想像中嘅有少少唔同，但做得都唔錯！感覺上呢度嘅甜品都幾啱香港人口味，唔會甜到“漏”，食落無咁大罪惡感😂
原來無抱住好大期望，即使我嘅朋友大力推薦，但我食咗第一啖，已經即刻覺得呢間餐廳好高質！個晚係平日，餐廳坐唔滿，但覺得有心又好食嘅餐廳需要有更多人知道，遲啲都一定會再幫襯！
Post
