MoMo Café

Open Now

Now Closed

為媽咪慶祝生日而一家十三口一齊去試。因食過中菜不錯，最近又有優惠coupons，所以去試下，點知非常失望。食物總類好少，鐵板燒得腸仔、牛肉、牛舌同蠔，味道一般，蠔很細小。熱食也只有五六款，並且没有一様吸引到我去食。有一個麵檔，有肥牛、豬肉、烏冬及菜之類，但質素比街邊車仔麵更不濟，我最後叫左個淨菜...食自助餐食到要食油菜真係第一次！冷盤係最好的了，魚生有三文魚同希靈魚，ok.有鮑魚，還可，但size不可有要求。仲有凍蝦仔、青口、扇貝刺身，好一般。最好味係麵包蟹蓋，我食左兩啖膏，比甥生女搶左，諗住再攞過，但由八點三等到九點幾走既時候都無refill過,真係好嬲。本來甜品係我對酒店最大既期望，但無一様我係食完想再攞...就連芝士都唔好食。我地成家人都話，無諗過Marriot既質素係咁。用coupon三百六十幾都覺好贵，隨便一間三星酒店都好過佢多多聲。連最尾杯咖啡都好難飲...總之無必要我唔會再去。其實我星期日食都見到不少空枱都知凶多吉少架啦....咪上當呀！