金牌

Open Now

Now Closed

淘大花園近排新開咗間餐廳，佢除咗有一般茶餐廳可以食到嘅食物之外，佢仲有唔同嘅牛扒、羊鞍之類同埋鐵板餐，今日嘅晚餐就一於食呢間。肉眼塊叫左5成熟，煎得剛剛好，肉質十分鮮嫩而且肉汁豐富，配合塊熱辣辣嘅鐵板，令到牛肉可以保持溫度之餘，同時更加香口。而鴨肝亦都十分甘香，配合牛扒食好夾。另外叫左件西冷，我敢講呢件西冷絕對唔係一般茶記嘅貨色，肉厚鮮嫩，即使叫咗7成熟都唔會過火，保持肉汁。值得一提嘅係佢跟餐嘅意粉，質素媲美五星級酒店嘅餐廳，唔會過腍，十分之爽口，食得出用鹽煮過然後再撈咗油，所以十分之香。加上隨鐵板同墊底嘅洋蔥一齊上碟，吸收咗洋蔥香更加好味。隨咗鐵板餐仲有鮮番茄湯餐肉粒通粉同3.6牛乳火腿竜列・丹麥多士，竜列十分之滑唔會過熟，而鮮番茄湯嘅味十分濃，而且仲有啖啖嘅蕃茄，真係十分滿足。