滿粥順德粥底海鮮火鍋

Open Now

Now Closed

鍾意食海鮮粥嘅一定唔可以錯過呢間餐廳，佢哋嘅招牌「肉蟹餐海鮮粥」簡直超級吸引，價錢好抵，性價比極高，套餐包括有有多款海鮮，全部都非常新鮮，所以煮出嚟嘅粥非常鮮甜。🍲套餐包括咗七款嘅時令海鮮，有沙白、大蜆、魚肉、基圍蝦、鮑魚、聖子、蟹等，值得一讚嘅係店員會提醒每一款海鮮需要煮幾耐，所以可以自己落手落腳試吓煮，同時又唔使擔心會太熟。我最推薦嘅係鮑魚，非常鮮甜而彈牙，另外，聖子都非常爽入另外聖子都非常爽口。🫶🏻而自選火鍋配料亦非常豐富，我地就揀左美國肥牛、黑毛豬腩片、韭菜豬肉餃、薑汁皮蛋貢丸、日本蟹棒、魚腐竹卷。特別推薦薑汁皮蛋貢丸，爽口彈牙，一啖嚐到薑嘅香氣，非常創新特別🍲。煮粥時店員加入粟米、紅蘿蔔、芋頭三款配料令粥更加有層次感，蔬菜嘅自然清甜味道同粥汁互相融合，更顯鮮味🌽。