Video
Read full review
2013-01-18
892 views
返咗英國屋企兩個幾月，凍咗咁耐，超級想打邊爐同食煲仔飯！上機前個幾星期已經叫朋友訂定枱，如果唔係佢哋啲手信呢... Hehehe...朋友A訂咗「聚」手工火鍋，喺尖沙咀佢公司附近，話早排做冬老闆請大家食過，好好味。我哋四個人，大家都好鐘意飲酒，所以朋友A預訂咗避風塘炒蟹做送酒菜，兩隻肉蟹好新鮮好甜，加埋啲炸到脆卜卜嘅蒜粒，又香又辣又惹味，真係 finger licking good！食完蟹開始打邊爐，朋友A指明要梳囉魚湯，我哋見到 Today's Special 有冬蔭公，就叫雙拼啦！Waiter 攞湯底嘅時候介紹我哋先飲一碗仔，其實我一直麻麻哋魚湯，點知依個湯一啲魚腥味都無，好奶好鮮，我竟然飲咗兩碗（sorry 媽咪，你平日煲果啲真係差好遠）！冬蔭公都好香，酸酸辣辣原來同 hotpot 好夾㗎！我哋叫咗牛邊位，牛味好濃好有油香，好 chewy！作為牛魔王嘅我哋，先要碟中再加碟大，好滿足！仲有叫咗臘腸膶腸豬肉丸，又鮮又有酒香，yum yum yum！另外亦叫咗大大隻嘅水餃、冰豆腐、炸嚮鈴同菜籃，飽飽！最後 waiter 送我哋水果同甜品，但係因為我約咗其他朋友，食唔切...最後想講講
朋友A訂咗「聚」手工火鍋，喺尖沙咀佢公司附近，話早排做冬老闆請大家食過，好好味。
我哋四個人，大家都好鐘意飲酒，所以朋友A預訂咗避風塘炒蟹做送酒菜，兩隻肉蟹好新鮮好甜，加埋啲炸到脆卜卜嘅蒜粒，又香又辣又惹味，真係 finger licking good！
食完蟹開始打邊爐，朋友A指明要梳囉魚湯，我哋見到 Today's Special 有冬蔭公，就叫雙拼啦！Waiter 攞湯底嘅時候介紹我哋先飲一碗仔，其實我一直麻麻哋魚湯，點知依個湯一啲魚腥味都無，好奶好鮮，我竟然飲咗兩碗（sorry 媽咪，你平日煲果啲真係差好遠）！冬蔭公都好香，酸酸辣辣原來同 hotpot 好夾㗎！
我哋叫咗牛邊位，牛味好濃好有油香，好 chewy！作為牛魔王嘅我哋，先要碟中再加碟大，好滿足！
仲有叫咗臘腸膶腸豬肉丸，又鮮又有酒香，yum yum yum！
另外亦叫咗大大隻嘅水餃、冰豆腐、炸嚮鈴同菜籃，飽飽！最後 waiter 送我哋水果同甜品，但係因為我約咗其他朋友，食唔切...
最後想講講，我走嘅時候好趕，竟然跌咗 Chanel 手鍊都唔知！ 當晚經理打俾訂枱嘅朋友A，我覆電話形容到條鍊，佢 keep 住俾返我！Thank you soooo much！我一定好快帶朋友再嚟幫襯！Post
