Vie Won Won (Closed)

餐廳有兩層，內裡佈置好有氣氛(聖誕)，每一處都放置擺設，每一枱嘅燈飾都不一樣，地方寬敞，空間感夠大，真係一個值得再嚟食嘢嘅好地方。午餐$158磨菇湯，磨菇味夠香濃，好飲。猪肋骨與薯條，豬肋骨超大件，燒得好靚，切開時都想流口水🤤好夠味呀！👍熱咖啡，係用靚嘅咖啡豆，飲落係唔同d。丸久小山圓玄米柚子梳打 $46小丸子係煙煙韌韌，配搭清清的玄米茶柚子梳打，飲落好清新。迷幻磨菇Magic Mushroom一定要食👍紅色係士多啤梨，表面有微辣感覺(澆上一點點辣粉)黃色係芒果雪糕夾在中間有一條黑朱古力。甜、辣、凍、苦，百般滋味在心頭。全素早餐 $148蕃茄、芝士磨菇焗到好香，牛油果🥑、沙律菜、黑麵包（黑麵包內軟外脆，食到有少少沙糖灑上面)4件麵包👉全部食晒。簡單早餐但就好滿足。