Video
Read full review
2024-12-09
163 views
今晚放工去咗上環LS kitchen 同朋友邊吹水邊食串燒。坐低即刻點杯啤酒先，依家其中一個新張優惠，係Sapporo 有買一送一，好抵，即刻叫返兩杯先。點串燒之前，職員同我哋講佢哋嘅醬汁係經過老闆多年來自己逐步改進而成嘅。有七款醬汁包括，芥辣蛋黃汁，菠蘿汁，黑蒜汁，香辣黑蒜汁，香辣蕃茄汁，蜜桃咖哩汁，甜酸汁同埋菠蘿汁。因為我未嚟呢間餐廳試過，我就好貪心，咁問職員可唔可以每一款都俾啲我試吓、職員都好好咁每一款比一碟仔我試吓。真係唔係講笑，每一款都好食，食得出用心試過好多次先研發到既！！我哋叫咗燒豬頸肉（彈牙），燒雞軟骨（有油香），燒牛舌（厚身juice)，燒白鰻魚（魚皮再脆啲更好），燒墨魚咀（估唔到咁大粒同爽口），純馬面魨魚乾（好濃魚味，送酒一流），燒雞翼（肉汁豐富），燒牛冧肉（啖啖肉啱晒食肉獸），燒多春魚（多春魚咬落卜卜卜咁，幾得意），炸雞（有7-8舊左右），燒香蕉（做甜品，啱晒）。仲有一款係老闆話遲啲會擺上Menu嘅燒乳扇串，呢款好有芝士味，芝士控要試吓。每一款燒物，都好食，冇Overcooked. 唔會話燒到好乾。睇得出老闆認真看待食物。點少少醬汁先食更添風味。另外原來餐廳lun
今晚放工去咗上環LS kitchen 同朋友邊吹水邊食串燒。坐低即刻點杯啤酒先，依家其中一個新張優惠，係Sapporo 有買一送一，好抵，即刻叫返兩杯先。
點串燒之前，職員同我哋講佢哋嘅醬汁係經過老闆多年來自己逐步改進而成嘅。有七款醬汁包括，芥辣蛋黃汁，菠蘿汁，黑蒜汁，香辣黑蒜汁，香辣蕃茄汁，蜜桃咖哩汁，甜酸汁同埋菠蘿汁。因為我未嚟呢間餐廳試過，我就好貪心，咁問職員可唔可以每一款都俾啲我試吓、職員都好好咁每一款比一碟仔我試吓。真係唔係講笑，每一款都好食，食得出用心試過好多次先研發到既！！
我哋叫咗燒豬頸肉（彈牙），燒雞軟骨（有油香），燒牛舌（厚身juice)，燒白鰻魚（魚皮再脆啲更好），燒墨魚咀（估唔到咁大粒同爽口），純馬面魨魚乾（好濃魚味，送酒一流），燒雞翼（肉汁豐富），燒牛冧肉（啖啖肉啱晒食肉獸），燒多春魚（多春魚咬落卜卜卜咁，幾得意），炸雞（有7-8舊左右），燒香蕉（做甜品，啱晒）。仲有一款係老闆話遲啲會擺上Menu嘅燒乳扇串，呢款好有芝士味，芝士控要試吓。每一款燒物，都好食，冇Overcooked. 唔會話燒到好乾。睇得出老闆認真看待食物。點少少醬汁先食更添風味。
另外原來餐廳lunch time 有做客飯套餐。有幾款客飯可以選擇都只係$65至$75。依家新張做優惠，叫客飯就即刻轉做套餐（即係包咗一碗養生湯（絕不加味精）或養生茶，平時單點要$40 㗎）。大家一齊多多支持小店啦！
Post
