Video
Read full review
2014-03-20
3716 views
我一向都很喜歡吃米線的！聽到隔離Team同事談這間「豆花妹撈米線」上過無記節目，所以這天Lunch特意來看過究竟。。。我在Lunch Time約1：05到這間豆花妹，嘩！原來已經排哂長龍！Lunch好多 Office客和學生來這裡買米線！這裡沒有堂食，只有外賣，而且一天限賣指定數量，賣哂就冇，可能還在新開張期間，所以都好多人排隊買～這裡只提供三款米線，全也是撈米線來～豆花米線＄15喜樂牛肉米線＄17牛尾米線＄20另外每天有四款指定小食你選，每款＄5。我吃的當天有：輝哥雞翼燒雲南豆腐仔XO雜菌四季豆乾撈辣豬耳還可選大、中、小、微辣和走野都得。排隊時都有D野睇，店子的外牆貼了年輕老闆開這店的故事，其實有少少糖衣包裝，成功既故事都離唔開「愛情」既元素，故事似乎有下集的，如果來幫襯可以來看看～其實小食有幾十種的，不過每天只限賣四款，如果想食哂咁多款都唔知要排幾多日隊？另外年輕老闆在店張貼手寫「平價的野心」大字報，仲話每日只賺＄700，等D街坊有平野好野食咁話。。。最後，我足足排了半小時才到我下單-_-#有個女生收＄，唔知係咪豆花妹，不過千其唔好咁大期望@@下單再等5分鐘才有（ーー；）幸好還有時
聽到隔離Team同事談這間「豆花妹撈米線」上過無記節目，所以這天Lunch特意來看過究竟。。。
我在Lunch Time約1：05到這間豆花妹，嘩！原來已經排哂長龍！Lunch好多 Office客和學生來這裡買米線！
這裡沒有堂食，只有外賣，而且一天限賣指定數量，賣哂就冇，可能還在新開張期間，所以都好多人排隊買～這裡只提供三款米線，全也是撈米線來～
豆花米線＄15
喜樂牛肉米線＄17
牛尾米線＄20
另外每天有四款指定小食你選，每款＄5。
我吃的當天有：
輝哥雞翼
燒雲南豆腐仔
XO雜菌四季豆
乾撈辣豬耳
還可選大、中、小、微辣和走野都得。
排隊時都有D野睇，店子的外牆貼了年輕老闆開這店的故事，其實有少少糖衣包裝，成功既故事都離唔開「愛情」既元素，故事似乎有下集的，如果來幫襯可以來看看～其實小食有幾十種的，不過每天只限賣四款，如果想食哂咁多款都唔知要排幾多日隊？
另外年輕老闆在店張貼手寫「平價的野心」大字報，仲話每日只賺＄700，等D街坊有平野好野食咁話。。。
最後，我足足排了半小時才到我下單-_-#有個女生收＄，唔知係咪豆花妹，不過千其唔好咁大期望@@
下單再等5分鐘才有（ーー；）
幸好還有時間剩上Office食。。。
我點的是豆花米線微辣，拼輝哥雞翼和燒雲南豆腐仔。＄25米線的份量不多，我吃剛剛好，可能男士不夠飽。
一打開蓋子己嗅到好香的麻辣香味，吃前要撈幾下，把香料混和～
豆花是很軟的豆腐磚，不是豆腐花咁滑，但帶豆香也不易散的。
米線的醬料有肉碎，加上香料很惹味，看過網上些報道說香料是從四川訂回來的，是正宗的四川風味。
輝哥雞翼加埋得一隻，全隻雞翼都沾滿醃料，似乎香草的東西，是鮮綠色的，都幾好味～
燒雲南豆腐仔就硬身左少少，但味道都好，愛吃豆腐的朋友應該會喜歡。
整體這碗豆花撈米線真係幾好味，我吃的微辣就真的只有點點兒辣，而且好香麻辣香，一嗅已經流口水，而家邊寫也邊流口水！下次要試小辣！同埋一定會再幫襯，希望唔好排咁耐就好了，天氣也開始熱，欽洲街人多車多，好熱的啊～～～
排隊時有哥仔派點餐紙，見到有推介＄5的青檸水售，佢話可以解下辣的！
我又買了一罐試，又真係好逼真的青檸水味，沒氣的，食完濃味的米線可以解下味、解下辣，而且冰冰涼涼，很不錯呀！太開心深水埗又有一間地道美食了！
無記套節目好似叫「創業？？？」，王貽興做主持的，得閒上返myTV睇下先～
Post
