富東閣海鮮酒家 (Closed)

今年中秋節跟親友試吓去富東閣做節啦！想不到呢間酒樓唔單餸菜好味，而且價錢唔貴，仲好抵食呀！我哋先點咗D燒味試吓，嘩! 叉燒正，燒腩仔仲正，個個都爭住食。後來點了十二道菜，媽媽最鍾意龍躉兩味，話好鮮好味，好抵食。我至愛菠蘿咕嚕肉，即叫即炸好脆口，酸甜度一流。家姐最愛瑤柱蛋白炒飯，佢話炒飯睇落簡單，但簡單先可以見到真章，佢話呢碟炒飯乾身、不油膩，係上品！要數最受小朋友歡迎嘅兩道菜係金沙賽螃蟹和芒果布甸，賣相非常吸引，一上菜就去搶住食。最後要讚嘅係壽包，雖然等耐咗D，但值得，因為又係即叫即做即蒸，嗰包好大，阿爸話好食過月餅多多聲，食咗撐到個肚大一大。耀安邨終於有間好嘅酒樓啦！我下次一定會再幫襯!