櫻花日本料理 (Closed)

中環食野一向有驚喜，而今次亦冇失望。😋呢日收工同朋友去晚餐，櫻花日本料理，食高檔日系菜式。其實有個好靚的門口入，唔好走左去舊大廈度入搭𨋢上阿店內外環境幽靜，舒適寧靜，食鐵板燒既話，係有間房，私隱度好高，可以完全集中焦點於食物同朋身上。餐牌簡單列左晚餐set，價錢唔平，但食完後覺得係值既！首先係小食，炸鱈魚片，薄薄一片，外表深藏不露，咬落口感鬆脆。前菜味道清新，好開胃！點左龍蝦餐！象拔蚌、同鵝肝味道一流！需且師傅非常細心地煮，連擺碟都好講究！ 我非常非鍾意佢整的燒鰻魚。平時一般食醬燒饅魚，但今次係煎到皮脆飲滑，真係一試難忘！刺身有深海池魚、池魚、帆立貝刺身，金黃色碟上，擺盤美觀，份量恰好，加上少許芥末，刺激味蕾。師傅亦好有耐心介紹唔同種類的刺身，又會教我地食既先後次序！之後到主食 龍蝦，一睇就覺得好新鮮！加上師傅特製的蝦膏同海膽製成醬汁，真係錦上添花，完美！最後仲有海葡萄沙律同 甜品特式焦糖多士同水果作結。整場海鮮宴非常享受，人均一千三百左右，但環境同質素值回票價，推介大家於大時大節小小奢侈一下！