Video
Read full review
2016-07-07
310 views
老公仔生日，食西班牙野啦，聽朋友講新開幾好味！鋪仔細細，廚房一眼望見！open kitchen，但竟然可以做到餐廳唔會有濃濃嘅煮野食味！餐廳雖小，但食得一d 都唔迫！同隔離檯都唔會好近！lee 到出名嘅啤酒，店主終極有耐性同細心地講解每款啤！我地叫左3款試，飲落同店主嘅形容都真係好似。先黎lee 個garlic 汁配溫泉蛋嘅薯粒粒！店主叫我地先試原味，之後先再撈底下個汁同蛋黎食...原味一食會覺得好普通...撈左後就真係勁amazing! 個蒜汁勁濃，加埋個蛋汁，係口入面漿住咁！好正！配potato 粒粒真係好無得彈！之後就係金沙鵝肝！真係貪得意所以叫睇落好細粒，明顯睇得出花左好多心機去整嘅！本身都諗，會唔會好睇唔好食呢！外面係85度chocolate, 甜度好低，帶甘味！第一野覺得好一般仲苦苦地...但再咬落去，配埋好滑嘅鵝肝！真係好match😳😳😳真係好好味！好豐富嘅口感，好複雜嘅味道！好難形容...但係真係好好味！之後係鹽炉原條fish! 感覺好高級hahaha, 店主叫人再拎「魚刀」比我地黎食lee 條魚佢話用刀背輕輕 "how"碎個面，就可以輕易開到黎食條魚....好白痴咁試
鋪仔細細，廚房一眼望見！open kitchen，但竟然可以做到餐廳唔會有濃濃嘅煮野食味！餐廳雖小，但食得一d 都唔迫！同隔離檯都唔會好近！
lee 到出名嘅啤酒，店主終極有耐性同細心地講解每款啤！我地叫左3款試，飲落同店主嘅形容都真係好似。
先黎lee 個garlic 汁配溫泉蛋嘅薯粒粒！店主叫我地先試原味，之後先再撈底下個汁同蛋黎食...原味一食會覺得好普通...撈左後就真係勁amazing! 個蒜汁勁濃，加埋個蛋汁，係口入面漿住咁！好正！配potato 粒粒真係好無得彈！
之後就係金沙鵝肝！真係貪得意所以叫
睇落好細粒，明顯睇得出花左好多心機去整嘅！本身都諗，會唔會好睇唔好食呢！外面係85度chocolate, 甜度好低，帶甘味！第一野覺得好一般仲苦苦地...但再咬落去，配埋好滑嘅鵝肝！真係好match😳😳😳真係好好味！好豐富嘅口感，好複雜嘅味道！好難形容...但係真係好好味！
之後係鹽炉原條fish! 感覺好高級hahaha, 店主叫人再拎「魚刀」比我地黎食lee 條魚佢話用刀背輕輕 "how"碎個面，就可以輕易開到黎食條魚....好白痴咁試左一少口鹽，真係好咸😂 魚好滑，條魚一d 都唔咸wor 好勁呀！仲見到魚入面有放到香草黎一齊焗tim條魚都算多肉，食極都唔完！
之後黎嘅係最出名嘅西班牙海鮮炒飯啦！我覺得比出面食開嘅濕，但我鍾意，因為我本身唔like 太乾！佢濕，唔係因為d飯淋...而係佢好多汁！每粒飯都有汁，好多隻蜆...海鮮味好重！味道好濃，食完一啖又一啖10個鑽！
牛肉...肉味好正！好淋wor竟然！碟底我以為係mustard, 但其實係南瓜溶！好清新，好好味！
燒腩肉....我已經飽到一個點啦，只食得一片，但我果片肥位多過肉.不過我老公就食到正常d嘅！男人最愛啦！燒腩肉一向對佢地黎講都係冇得輸！
等左好耐嘅甜品....心諗點解寫幾隻字咁慢！出黎真係好shock, 仲要廚師哥哥拎出黎，拎左一碟食得嘅畫出黎！超級靚！寫得好靚，放得好靚！配得好靚！好想親口讚下廚師哥哥，可惜我怕羞hahaha甜品都好好味！蛋糕係咸咸地嫁，好得意，配埋 ice cream到就令到成件事唔會太甜！
好滿意嘅一餐生日飯！
Post
