Percent Kitchen & Fitness (Closed)

今日去咗觀塘食晚餐。原來觀塘真係有一間隱藏高質西餐廳架！今次真係超級大驚喜，你間餐廳真係好得意。你間餐廳係有個健身房，但側邊就係一個西餐廳。呢個concept幾新穎，之前聽過朋友講過，所以今日確定過黎試一試。dinner set好豐富！叫左個煙三文魚沙律。其實自己唔係好鍾意食沙律，因為自己係一個食肉獸。但係呢個沙律整得真係好特別，我未食歌咁香脆同仲好有水份嘅麵包，個口感好正！我諗只有新鮮材料先整到，煙三文魚同蔬菜再加埋麵包，仲有啲煙肉粒溝埋一齊食，好有層次感。之後黎左碗今日嘅是日餐湯，南瓜甘筍湯，成個feel好健康。湯好有蘿蔔味，鮮甜但唔膩，真係好想跟佢學煮野。主菜終於上菜。係本人最期待既鴨胸同鵝肝！呢個鴨胸同壽司既鴨胸爭超級遠。點解鴨胸可以煮到好似雞髀咁，水份仲保留係入邊。出邊脆入邊煎得岩岩好，呢個水準係中環高級餐廳既水準，觀塘居然有個咁高指數既餐廳。鵝肝超級肥厚，一咬落去，入口即溶。加埋藍莓醬，又甜又鹹，個味道夾得好完美！最後叫埋個桂圓紅棗茶。食完個餐，飲d熱野唔好比脂肪凝固係肚腩。食完晚餐再配個熱茶，好養生。加埋餐廳氣氛同音樂，成個人好放鬆。工廈入邊估唔到有一個可以好好放鬆既空間