Season Plus (Closed)

朋友send左食蠔餐牌比我，我一向無食開蠔，不過呢間d蠔好好味，食完之後仲會記得佢個味道同口感，好正。叫左精選蠔同美國蠔，美國蠔好大隻，大概精選兩倍咁大。先食左精選，好滑好鮮甜，海水味重d，腥味都多少少。之後試美國蠔，不得了，好爽口，肉好厚身，一d都唔腥，仲要係甜架，叫左六隻我食到一隻係腥嘅，但完全唔影響我對佢嘅好感，食完之後忍唔住encore美國蠔。另外叫左海膽多士，呢個就真係失望，多士唔夠鬆脆，海膽醬幾只有微微海膽味，其他橙色部分唔知係咩黎。呢間食蠔真係要再黎食，價錢叫係平，唔洗等位。