Video
Read full review
2018-01-14
187 views
觀塘工廈嘅西餐廳真係越開越多，要脫穎而出確實係唔容易，但係呢間餐廳係小女子真係要推介。呢間餐廳優勝嘅地方係對食物，對食嘢好有執著嘅兩位負責人，嗰種熱誠係好難去形容，單單就係因為呢種熱誠，就足以令餐廳嘅食物好食同埋別樹一幟。餐廳負責人同我地講，最近餐廳主題做緊懷舊法國菜，所以推介左法式焗田螺同埋雀肉牛柳俾我地試下。先講個法式焗田螺，佢同出面餐廳食嘅法式焗田螺有好大分別。雖然都只係田螺同薯蓉，但係佢個田螺加左自製香料，入口好香，口感彈口唔在講，仲要係口螺入面有啲油/汁，mix埋啲薯蓉嚟食真係超正。應該係我食過嘅頭幾位好食嘅田螺。再講下雀肉牛柳，我之前完全未聽過呢個菜式，心諗：又雀又牛咁得人驚？原來佢係用肝醬搽左係牛柳面，然後再用豬油網包住佢然後煎香佢。件事出奇地match, 仲要配埋個自家製紅酒汁，一啲都唔會覺得好膩。廚師連旁邊嘅配菜都整得好好食😋不得不提嘅驚喜：hand made chocolate ice cream。我自問係一個唔鍾意食朱古力嘅，但係我都覺得佢呢個朱古力雪糕好好食。個朱古力味好純，唔會有多餘嘅甜味，食落仲有nut嘅味道，而且配上一啲餐廳自製toppings，成件事好o
餐廳負責人同我地講，最近餐廳主題做緊懷舊法國菜，所以推介左法式焗田螺同埋雀肉牛柳俾我地試下。
先講個法式焗田螺，佢同出面餐廳食嘅法式焗田螺有好大分別。雖然都只係田螺同薯蓉，但係佢個田螺加左自製香料，入口好香，口感彈口唔在講，仲要係口螺入面有啲油/汁，mix埋啲薯蓉嚟食真係超正。
應該係我食過嘅頭幾位好食嘅田螺。
再講下雀肉牛柳，我之前完全未聽過呢個菜式，心諗：又雀又牛咁得人驚？原來佢係用肝醬搽左係牛柳面，然後再用豬油網包住佢然後煎香佢。件事出奇地match, 仲要配埋個自家製紅酒汁，一啲都唔會覺得好膩。廚師連旁邊嘅配菜都整得好好食😋
不得不提嘅驚喜：hand made chocolate ice cream。我自問係一個唔鍾意食朱古力嘅，但係我都覺得佢呢個朱古力雪糕好好食。個朱古力味好純，唔會有多餘嘅甜味，食落仲有nut嘅味道，而且配上一啲餐廳自製toppings，成件事好outstanding。一問之下，先知原來連朱古力雪糕都係佢地自製，仲要加入果仁醬，真心好食，層次即刻唔同左。
呢度鋪面唔算大，見到廚房，地方裝潢都好歐陸，而且重要係負責人對食物原料嘅執著。因為唔同嘅菜式都係佢地自己嘅拿手好戲，而且好多details都係自己一手一腳用原材料整，真係好感受到佢地嘅心思。
我問過負責人，原來佢地好歡迎人包場，大約20-30人都可以容納到，咁之後大圍gathering 就可以有好嘅落腳點。
以後都唔洗再搵其他樓上cafe啦，因為係香港地，可以搵到間坐得舒舒服服，嘢食好食，靜靜地傾下計嘅地方真係好少。
Post
