Burgerman (欽州街) (Closed)

這間burgerman 其實已經聽過朋友仔介紹，剛好今日經過深水埗，就專程去試一試！店舖細細，坐位好似吧檯甘，約坐到8至10人左右，唔好以為店舖唔起眼就無人幫襯，我食左25分鐘，keep住有人等位或者叫外賣，可想而知佢既食物質素有幾好！仲有memo提供，比你寫加油留言🥰入正題，我叫左個和牛漢堡combo，有沙律，薯條加可樂，額外加多個薯格。和牛漢堡真係好好味，牛味重又濃郁，加上特製的配料及醬汁，非常出色！絕對係我喺香港食過咁多間漢堡包餐廳其中一間必食推介嘅餐廳！另外薯條及薯格同樣出色，熱辣辣又脆口，趁着burger同可樂一齊食，食到停唔到口！朋友果然冇介紹錯，下次去深水埗一定再食！