甜源居

Open Now

Now Closed

下晝同朋友經過，食完午餐之後想搵個地方食甜品。見到呢間甜品2:00就開門，所以就去咗呢度試吓。佢嘅榴槤同埋芒果河粉係人氣之選，食過好多唔同嘅甜品舖好多芒果都係酸嘅，一係就冇乜芒果味。但係今次嚟到呢度食呢個芒果河粉，芒果係非常之清甜，再加上河粉造型嘅椰子蒟蒻啫喱，又彈牙又爽口，真係好好食，仲有煙靭嘅西米，口感真係一流，份量比較大碗，所以可以兩個人share。我哋仲嗌咗碗，榴槤飄香，榴槤味非常之濃，仲有一舊榴槤嘅果肉，鍾意食榴槤嘅一定要試吓。