Video
Read full review
2012-08-07
64 views
呢間野都食過好幾次喇，大熱天時行到身水身汗咁又無冷氣仲要食湯面，係得呢一間令我咁有恆心再去食。不過要食到都唔係咁易，因為佢好早就關門，好似我呢啲唔係係中環做野既人，要等閒日放假仲要三四點個時先好去，因為要排好長龍架lunch time。位置係九記牛腩對面，係香港站出行上去會舒服啲同近啲。每次去到都覺得啲落單姐姐好勁，記性好好。同埋佢地都好nice，見我地揀到十五十六個時會建議我地食咩。檸蜜脆脆係每次都必叫既，另外叫左凍奶茶，咸檸七同蕃茄牛肉面。呢個非一般既茄牛面($25)令我呢個唔食蕃茄既人都愛上左。佢既湯底雖然係用罐頭蕃茄醬加新鮮蕃茄整既，但完全係用面好夾！啲面吸哂鮮甜既蕃茄味，又唔會太甜。啲牛肉不得不提，完全無泎，又唔重味精味，配合埋鮮茄既鮮味簡直無得彈！至於必食既檸蜜脆脆($8)，其實係焗脆左既豬仔包查左自制既檸檬加蜜糖醬，簡直係 perfect match！即叫即整，再砌到好似個米奇老鼠頭咁，香噴噴，一見到流哂口水！淡淡既檸檬味隨住呀姐拎住檸蜜脆脆行過黎就知道有野食喇！一咬落去卡一聲，焗得岩岩好，個邊同個面係脆既，中間啲面包暖暖地，之後係檸檬既味到先出現，感覺好fresh，小小
不過要食到都唔係咁易，因為佢好早就關門，好似我呢啲唔係係中環做野既人，要等閒日放假仲要三四點個時先好去，因為要排好長龍架lunch time。
位置係九記牛腩對面，係香港站出行上去會舒服啲同近啲。
每次去到都覺得啲落單姐姐好勁，記性好好。
同埋佢地都好nice，見我地揀到十五十六個時會建議我地食咩。
檸蜜脆脆係每次都必叫既，另外叫左凍奶茶，咸檸七同蕃茄牛肉面。
呢個非一般既茄牛面($25)令我呢個唔食蕃茄既人都愛上左。
佢既湯底雖然係用罐頭蕃茄醬加新鮮蕃茄整既，但完全係用面好夾！
啲面吸哂鮮甜既蕃茄味，又唔會太甜。
啲牛肉不得不提，完全無泎，又唔重味精味，配合埋鮮茄既鮮味簡直無得彈！
至於必食既檸蜜脆脆($8)，其實係焗脆左既豬仔包查左自制既檸檬加蜜糖醬，簡直係 perfect match！
即叫即整，再砌到好似個米奇老鼠頭咁，香噴噴，一見到流哂口水！
淡淡既檸檬味隨住呀姐拎住檸蜜脆脆行過黎就知道有野食喇！
一咬落去卡一聲，焗得岩岩好，個邊同個面係脆既，中間啲面包暖暖地，之後係檸檬既味到先出現，感覺好fresh，小小蜜糖既甜味都急不及待咁湧出黎~好滿足~
佢個隻脆既程度係岩岩好，唔會硬到整損上諤，自己係屋企未必整到。
我先前都試過介央脆脆，味道不錯，如果多人去食都係推薦的。
到咸檸七($12)，雖然佢俾左雪碧唔係七起，但都無損好味程度！
支雪碧係即開既，加埋已經幫你篤好既酸梅同檸檬，一倒落杯度攪下佢就飲得好方便。
咸檸七唔係四圍都有，呢個真係保留原有風味，話明老字號，好多野都係上代流傳落黎即好味好多！
奶茶($12)都不錯！
題外話，個日去食仲見到林峰。
佢話幫北京飲食節目拍野介紹香港美食，拍完對面九記牛腩就過黎拍。
啲呀姐好似見到明星見怪不怪咁，佢肯同人合照好nice。
Post
