壹碗壹碟 (Closed)

筲箕灣壹碗壹碟一向好出名，自家台灣麵好多地方都有寄賣。餐廳6點後只做外賣。今日行完山去開東大街一於去食個lunch。我同朋友各自嗌佢舖頭最出名嘅招積豬扒麵同招積雞扒麵，兩個都係水準之上不過個人較為喜歡雞扒，佢雞扒唔係似其他茶餐廳咁煮，係有特別處理過，香口又嫩。如果食開譚仔五少辣嘅朋友可以叫小辣，佢個辣都係一流，而且一定要多蒜，成個麵昇華到好惹味。另外佢舖頭有得嗌千里烏龍茶，我之前喺其他餐廳飲過，佢個回甘好正，所以我見親餐廳有得嗌都一定會叫樽黎飲，非常推介👍🏻👍🏻👍🏻附上食到一半先記得影相嘅麵👇🏻