燒魂 (Closed)

點解今日要寫呢個食譜，係因為我今日又將呢間餐廳介紹俾朋友先發現原來一直都冇介紹過佢.... 真係對唔住老闆 😅舊年朋友帶我去呢間餐廳度食，就係食佢嘅人情味（咁當然味道都係一個最主要嘅原因）久而久之平時嘅朋友聚會都係指定呢間餐廳；因為老闆每日會去街市買新鮮食材、每一次都有新驚喜；後尾同老闆傾開計先知道老闆開呢間餐廳嘅原因係因為自己太鍾意煮嘢食.... 老闆對飲食太有要求亦都有一份自己嘅執着同堅持！真係好佩服兩公婆拼搏精神。同時食品質素真係好有保證，生猛海鮮任揀，如果想食特別嘅海鮮可以預早同老闆講等老闆去入貨平時嘅指定菜式一定係牛舌心（呢個最少要食三份）燒粟米、蒜蓉茄子！另外仲有一啲比較特別嘅燒牛筋（老闆預先用滷水醃咗，超好食）仲有必食推介椰汁花蟹鍋、泰式粉絲蝦煲......佢要推介嘅食品數之不盡！希望大家都支持下良心小店！