滿屋日本料理 (Closed)

爸爸生日就緊係佢話事！今次佢講明想食放題，又要就大家港島區收工，揀左陣就決定食滿屋。滿屋真係勝在款式多，壽司質素比其他放題好，多款式多到係額外一本簿。刺身新鮮亦都無漏單，但係咁啱嗰日寫住無甜蝦就令大家都失望左。熱食方面有好多唔同嘅選擇，最好就係全部都係即炸！不過正正因為壽司同埋熱食都係即叫即整，所以其實都等得有啲耐，頭一個鐘都冇食啲咩😂不過當我地催單嘅時候，啲職員都好好態度幫手跟，呢樣幾難得。最後，值得一讚嘅係佢有一人一杯雪糕，牌子係Häagen-Dazs同movenpick，屋企人都食得好開心🥳下次慶祝生日會再黎！