一鼎‧台式火鍋 (MOSTown新港城中心(4期))

Open Now

Now Closed

細佬生日話要食火鍋喎，媽咪同老豆都懶得買菜，我就帶佢哋嚟呢度食自助火鍋～我哋點嘅餐係👉🏼［澳洲純和牛套餐］，和牛嘅口感巨嫩，一入口就可以感覺到肉質鮮嫩！咬落去嗰瞬間，和牛嘅肉汁會喺嘴度爆發！呢種口感真係一般牛肉比唔上嘅！套餐裡面仲包括咗細佬最愛嘅鮮甜海蝦，蝦嘅肉質鮮美，口感十分彈牙。蝦自帶嘅甜味加埋肉質鮮美，每一口都令人回味無窮！鍋底有好多選擇，店家推介嘅紅燒火牛湯鍋令我好感興趣😋 鍋底一上嚟就聞到令人食指大動嘅濃郁香味！我飲咗第一口湯，就感受到濃厚牛肉嘅香味，彷彿去到台灣食緊一碗紅燒牛肉麵！店員知道我哋鍾意食辣，仲特登推薦俾我哋招牌鍋底：麻痹鴨，呢個係麻辣味鍋底加埋鴨血煮嘅。鴨血已經完全吸收咗麻辣湯底嘅味道，係麻辣味嘅鴨血！一口落去舌頭又麻又辣，真係過癮！呢間店最值得嘅係火鍋料可以任攞，佢哋設有自助吧可以任攞蔬菜同埋丸子。鍾意喺火鍋入面加金針菇嘅我真係開心極啦！最後當然要用手搖飲料收尾啦🥤 黑糖珍珠牛乳同冬瓜牛乳茶味道都好唔錯，十分順滑同爽口。