泰瀾鑊 (北角匯三期)

Open Now

Now Closed

今日成家人過嚟北角匯食飯，五個人叫咗七道菜，今日可以大擦一餐，我哋有口福啦！餐廳係食泰國菜嘅，餐廳裝修都好有泰國風情，牆身掛住好多有代表性嘅畫，以木籐和綠色植物做裝飾，是置身於峇里島。滷水豬脾飯超入味豬手，豬手炆得好淋，充滿骨膠原，甘香又鬆化，滷水汁甜甜地可以入口，仲有半隻雞蛋，成個配搭都好好味。冬陰功明爐烏頭🐟原條蒸烏頭，烏頭肉鮮美，再加上酸辣滋味冬陰功醬汁，味道好有層次，佢仲要加咗啲秀珍菇係上面，有好香嘅菇菌味。個冬陰功汁唔好嘥，用嚟撈飯食更加正。香辣紅咖喱-牛腩🐂紅咖喱真係非常辣，但辣得來好惹味，食到我哋停唔到口。呢個香辣紅咖喱入邊係牛腩肉，牛腩炆得非常腍，入口溶化，仲用咗白蘿蔔，菠蘿，車厘茄，薯仔和香葉一齊煮，豐富又滋味海南雞半隻🐓濃郁雞味海南雞，皮爽肉嫩，雞肉彈牙油香又足，整體味道不錯。再加上香辣十足嘅海南雞醬，整碟雞即刻就完美！香辣豬頸肉生菜包🐖生菜包係用豬頸肉做內餡，豬頸肉甘香，有好香油脂味，唔使點咬都可以食到，肉質非常鬆化。豬頸肉仲用咗椒鹽去炒，味道更加香口。蘭王蛋泰式燒牛肉飯🐂呢個係一個煎蛋配燒牛肉嘅飯，牛肉切成一片片拎去燒，燒到焦香，仲有陣陣好香嘅煙熏味。煎蛋蛋味非