Video
Read full review
2022-08-30
2027 views
前幾日就決定要去食自助餐，因為疫情幾乎好耐冇去過食自助餐，難得去吓就優待Hailiah一次 俾佢瘋狂食甜品，識我嘅都知爸爸係下令要Hailiah戒甜 ，今日破例俾佢食下，哇！真係唔好講笑，一俾佢知，就由朝講到晚，完全感受到佢期待嘅興奮🤣餐廳選址係 #帝京酒店 #花月庭 實不相暪我係第一次嚟，婆婆食過呢間話好食嘅，入到去見到右邊就係水吧有咖啡、熱朱、奶茶、檸檬茶、柑桔綠茶等等⋯⋯有啲預先提供咗喺枱，直接拎就得！再行前corner 位係冷盤有最重要嘅即開法國生蠔（即排即開即洗）食入口完全唔腥！其他仲有麵包蟹、藍青口、新西蘭青口、熟海蝦、翡翠螺、蜆肉等等⋯⋯都幾新鮮，又唔會有太咸嘅海水味道話明主打梗係要食澳洲和牛，就有火龍果炒M5和牛粒、同埋粉面區有得揀地獄番茄湯底之餘，又可以揀澳洲M5和牛片😎排隊有即煎和牛添！😙 M5和牛鴨肝粒燴絲苗都唔錯架！另外排哂大隊嘅就有即煎鴨肝伴山楂蘋果汁，配上多士超好食呀！我食咗好多件🤣🤣另外片皮鴨都係我最鍾意，值得一讚，每次岀去拎都有😌仲有墨西哥薄餅都好正架，入面有澳洲m5和牛辣肉醬同千島白汁海鮮兩款任君選擇，推介配上熱情果醬，超正😍我哋排完又排嘅香烤安格斯牛
餐廳選址係 #帝京酒店 #花月庭 實不相暪我係第一次嚟，婆婆食過呢間話好食嘅，入到去見到右邊就係水吧有咖啡、熱朱、奶茶、檸檬茶、柑桔綠茶等等⋯⋯有啲預先提供咗喺枱，直接拎就得！
再行前corner 位係冷盤
有最重要嘅即開法國生蠔（即排即開即洗）食入口完全唔腥！
其他仲有麵包蟹、藍青口、新西蘭青口、熟海蝦、翡翠螺、蜆肉等等⋯⋯
都幾新鮮，又唔會有太咸嘅海水味道
話明主打梗係要食澳洲和牛，就有火龍果炒M5和牛粒、同埋粉面區有得揀地獄番茄湯底之餘，又可以揀澳洲M5和牛片😎排隊有即煎和牛添！😙 M5和牛鴨肝粒燴絲苗都唔錯架！
另外排哂大隊嘅就有即煎鴨肝伴山楂蘋果汁，配上多士超好食呀！我食咗好多件🤣🤣另外片皮鴨都係我最鍾意，值得一讚，每次岀去拎都有😌仲有墨西哥薄餅都好正架，入面有澳洲m5和牛辣肉醬同千島白汁海鮮兩款任君選擇，推介配上熱情果醬，超正😍
我哋排完又排嘅香烤安格斯牛肉都好好熱滿好多食，及烤豬手、寶雲酥烤羊鞍等等⋯⋯同埋推介海鮮燉牛奶蛋白，超滑😋😋串燒同天婦羅都refill得好快，基本上拎乜有乜，抵讚！
最後梗係要介紹埋甜品🤭
影到靚靚嘅焦糖菠蘿雪芳蛋糕🎂d cream有好濃嘅菠蘿味同埋雪芳蛋糕好鬆化，原來係今次主題重點項目🤩🍍仲有Hailiah鍾意嘅🍓草莓泡芙😍仲有呢度好大個甜品櫃，有紅火龍果乳酪慕絲、加倫子紅桑子朱古力慕絲、牛奶 布甸、龜苓膏佯蜂蜜雜莓都好別緻！
雪糕有8款Haagen Dazs雪糕同埋意大利雪糕Gelato🍦係呂宋芒果口味！有十幾款配料俾你任落 ，小朋友就真係好開心🥰
Post
