盈苑海鮮酒家

Open Now

Now Closed

今日約埋屋企人食飯，都係想揀番啲傳統嘅酒樓，發現土瓜灣開咗一間新嘅海鮮酒家，呢度裝修夠豪華，夠雅典，而且燈光超級足夠，都係老人家好鍾意嘅。不枉係海鮮酒家，呢度有好大個魚缸，小朋友一定鍾意！呢到啲服務生亦都好有禮貌。一入嚟就見到好多人都有叫窯燒雞，個樣勁靚，而且仲做緊優惠，所以我哋一坐低都即刻叫咗，$238除咗窯燒雞仲可以加配多一樣，我哋就叫咗白灼蝦。窯燒雞係新鮮即叫即做，難怪整得超嫩滑，保持到好多汁，真心覺得近年食過最好食！鮮茄肉燥浸菜苗係我第一次食，d菜夠新鮮，而且番茄湯底好濃郁，小朋友超愛！紅燒脆皮乳鴿整到外脆內軟，真心一人一隻都未夠！大良炸鮮奶炸得酥脆，入面流心餡料，食完一啖接一啖！我地已經同經理講下次要再來食，經理都有話下次要食埋燒味，因為大師傅幾代人都係做呢行，功架十足，最推介就係脆皮燒鵝皇同叉燒。另外都有話如果唔係老人家剛剛話要食蝦，都會介紹食冰鎮咕嚕肉，因為都係呢間餐廳必點之一～咁我地應該好快再見面啦～！