悅木 (Closed)

周六一家人難得整人去食飯，但太臨時臨急到到都要排隊，架車兜下兜下去到灣仔，經過呢度見暫時未爆哂位，就入去試下啦~基本上餐單上有好多選擇，所以有選擇困難症嘅我地揀野食都揀咗好耐，最後點咗幾樣菜~首先，有我覺得其實比較似係泰式嘅菠蘿炒飯呢道菜就好少死人嘅，的確亦都幾好食~泰式小食，有春卷，有米卷，有魚餅，有札肉片，不過不失啦~吉列豬扒配蕃茄炒飯，亦是不過不失之作~大蝦炒粉絲，隻蝦真係幾大隻好味~咖哩羊架，係我最滿意嘅咖哩汁好好食，而且夠多，叫埋個薄餅黎配呢個咖哩汁，一流~一個小食，四道主菜，加一碟薄餅，承惠太約900大元，環境舒服，算是滿意~題外話話說當日家中有兩隻馬騮跟住食飯，小朋友食飯鐘意走黎走去大家都知有幾討厭啦~ 呢度嘅員工原來對呢D馬騮有所準備，當場有朱古力氹下Ｄ小朋友，幫助話比佢地知，如果乖乖地坐定定食完餐飯就可以食朱古力，又久不久過黎同小朋友打下招乎玩下等佢地乖乖坐埋位，呢下真係好滿意佢地嘅甜心服務！