海港燒鵝海鮮酒家 (Closed)

每年都會品嚐大閘蟹一次 今年唔例外。為了方便朋友 今年冇揀出名食大閘蟹的酒樓。揀了海港。食左一個六人餐。每人一隻大閘蟹 大閘蟹話五両 都算幾大隻 都幾多蟹膏。即叫即蒸 幾好。套餐另外還有：蒜蓉粉絲蒸帶子 蒜蓉炸過 幾香口 但帶子唔算新鮮。燒鵝 皮烤得幾脆 不過就肥左少少。蒸沙巴龍躉 細細條 但都幾新鮮 可惜過熟了。另外的蟹皇扒時蔬和海皇羮就真是好一般了。食物就真是冇咩特別 不過又冇限時間 又方便朋友 都算OK吧。